一豊 (已結業)

今晚入左新界食野，听闻元朗丼家班底, 之前打响名堂既蟹皇丼, 美人丼呢到都有，黎试下咩叫美人丼先！芝士软壳蟹卷$78(特浓芝士，软壳蟹，蟹膏，蟹籽，蟹棒)卷物黎讲，都几有诚意同用心制作，推介！好浓郁既芝士味！加上蟹膏系面头，配上炸到恰到好处既软壳蟹！好食！美人丼$128(中拖罗，吞拿鱼他他，吞拿鱼蓉，三文鱼)好搞笑，黎到时候待应大叫美人丼，仲话同你一样系美人，真系唔知俾咩反应好。肥仔话拖罗口入即溶，吞拿鱼蓉伴寿司饭一流，吞拿鱼他他重黑椒味，三文鱼非常肥美。加上有蛋卷和蟹棒，$128食到咁多样野，性价比极高。几抵食！伊势寿司$85寿司共八件，三文鱼，油甘鱼，玻璃虾，帆立贝，北寄贝，吞拿鱼，火灸左口鱼，芥辣八爪鱼，推介火灸左口鱼，因为真系入口即溶，我仲见到隔离台叫左成碟都系左口鱼，而帆立贝大大粒，玻璃虾好大只，呢3样最抵食，可以独立叫。系屋村入面有性价比高既日本菜，可以一试。听闻海胆好食…下次先试到。