千葉鳥

营业中

休息中

去完天泽玩波波池玩，玩完肚饿去食野，见到隔离个间日本野（千叶鸟）都吾错，好似开左一段时间都未试过，就提议去试下。呢间野原来有惊喜，装修好日本风，食物选择又多，鱼生质素吾错，价钱又吾贵，黄金蟹膏鲜带子好鲜甜，带子分开两边中间夹左蟹膏好特别又好夹。三文鱼腩寿司都好新鲜而火灸三文鱼腩寿司又另一番风味，有烧过既味道但又不减三文鱼既鲜味！玉子寿司系我食日本野其中一样必食既而呢间自家制都好食。牛油果软壳蟹手卷好脆好香口，配埋牛油果好夹！推介个银雪鱼西京烧定食，银雪鱼煎得好好好味，有特别既酱汁味道好正。好耐无食蟹子沙律，又点左黎食下，都好味成盘沙律好均匀。重有个盐烧开边鸡中亦，烧得好香口好多肉汁。牛肉火锅系甜甜既寿喜烧汤底，满满既牛肉，大满足入面好多配菜，粉丝吸晒d汁好正。呢间野装修好有日本风味，食物质素好，又吾算贵，真系天水围日本野既首选。