一糖 (屏山)

营业中

休息中

今日去朋友系天水围既家作客，食完晚饭之后朋友送我地去搭西铁，行行下另一个朋友话想食甜品，住呢边既朋友就带我地去西铁站附近既呢间甜品舖试下。呢间甜品舖比较特别既系佢真系一间独立屋，真系朋友带我地过去先识路。门面装修都好日系。我地各自嗌咗一个甜品，咁热既天气梗系食冰喇，我就叫咗佢地「氷之系列」既「焦糖布甸牛奶冰」($65)，一嚟到已经觉得好日本风，而个布甸好结实，牛奶冰加埋啲脆米再加焦糖都好夹。另一个朋友就叫咗个「Bailey's心太软」($58)，有拣一个雪榚，佢拣咗士多啤梨味，同埋仲有一啲杂果系上面，我都分咗一半嚟食，个心太软几有酒味但又唔会太重，夹埋朱古力味啱啱好。钟意食榴梿既朋友就叫咗个「榴梿皇子」($60)，呢个朋友系第一次嚟，都话觉得正，话榴梿肉好多，啲椰香味配搭埋好特别，不过对于唔食榴梿既我始终都系唔敢食。