泰聚 (已結業)

今日专登揸车入去天水围食泰国嘢，里面嘅环境几靓，有室外及室内座坐，室外有暖气提供，但系因为今日得九度所以都觉得几冻，一行六人，所以我哋叫咗个六人餐，唔使谂，头盘系金柚子虾球沙律金柚子非常清甜爽口配合酸酸甜甜的酱汁非常开胃，虾大只，质感爽口，配合腰果非常一流，冬阴功汤，里边有两只开边大头虾，味道酸酸辣辣，咁冻饮非常一流，仲有好多香菇、草菇索晒汤汁，非常好饮，之后嚟咗个小食拼盘，有鸡翼、三串串烧、虾饼、春卷、荷叶包鸡、香茅饼，个鸡翼最好食，其他一般！个通菜好嘢味，都几大份！香草炒带子，带子麻麻哋，质感好林！咖喱炒蟹，咖喱汁好咸，蟹唔系新鲜嘅，蟹肉与壳不分离腌肉碎生菜包，小辣，肉碎有啲酸酸既青柠檬汁味，好有泰国风味，几好味原个南瓜海鲜饭，唔好食，佢好似去淸蒸个南瓜，之后放啲饭落去咁叫咗六杯香茅姜蜜热饮，香芧味好出餐厅环境几靓，服务人员一流，人手充足，上菜速度快及细心，份量都比较大，但系觉得有啲唔抵食，食咗＄2077