8090 好時光 (已結業)

一家人黎到T Town行下街食下野，呢度真系多左好多新食店，大部分都好阔落，连bb车都入到。是晚来到食台湾野，除左室内，仲有商场位，打造到好似花园咁，环境唔错㖞。红烧牛肉面（$63）要红烧牛肉汤底，牛展炆得软腍几好味㖞。红烧牛腩面（$63）自己点了牛腩，同样系红烧牛肉汤底配台湾面，牛腩略微太多筋，好痴牙，但很入味都ok的，汤底太甜不合口味，可能试试蕃茄会好一点？三拼牛肉面（$75）又系红烧牛肉汤底，哈，三拼有牛肉牛筋牛腩，全部都系牛，超大碗呀，面也不少，一碗超劲饱。盐酥花枝小丸子（$24）＆紫心脆薯饼（$20）食台湾野点都要食下小食嘅，花枝丸很弹牙，好大粒，一碟有六粒几抵食。紫薯饼一客四件，哗，全部都系紫薯蓉，好饱肚呀～麻辣红油水饺（$28）相比起来饺子就有点贵了，不过个麻辣油几香乜正嘅。朱古力咖啡（$30）好甜的朱古力，啡味不足。朱古力豆浆（$30）朱古力同豆浆味都不突出，略淡。桂花乌龙茶（$28）稳阵之选，桂花好香，茶味也不错。味道一般，胜在份量大，价钱又不贵，但店内卫生情况有待改进，枱，餐具，餐牌等等全部痴立立。