一豊 (已結業)

最近开左唔少新商场，而旧商场都纷纷加入战团来个大变身，迎合番时下新一代。而天耀哩个商场都唔例外，除左翻新左原有既商场之外，仲将楼下街市都变埋商场，对区内市民黎讲，我谂有好有唔好吧。今次都黎到由街市变成既商场，地方唔系好大，不过都有几间唔同风味既食肆选择。仲有时下年轻人好爱既日本野食添！美人丼…有中拖罗、吞拿鱼他他、吞拿鱼蓉、三文鱼。虽然份量唔多，但胜在刺身都算新鲜，当中最爱中拖买同三文鱼，够嫩够肥美！底下既饭亦好味，粒粒黏糯，亦有用寿司醋调过，净食饭都有味道。芝心软壳蟹卷…一客有四大卷，有蟹子、蟹膏、蟹棒，饭卷入面就系炸软壳蟹，蟹炸得好脆！唔会太油腻。仲加左沙律酱令整体唔会太干，不过所谓既芝心原来净系得芝士粉，如果有埋cream cheese就正喇海胆带子卷…海胆虽然有d散，不过味道都够鲜甜冇醒味，带子亦甜美嫩口。