Bookaccino (已結業)

天水围食店通常都系连锁店，无乜特色，自从在openrice 揾到呢间书店蛋糕店之后！就心思思去试下！位置在商场一角，要经书店门口入，楼底高，环境好舒服，白色衬浅木家私，简洁清新，地方比想像中大，店内餐牌都系黑板写嘅，好朴实 两个店员在柜台后工作！下午茶时间，几枱客在食蛋糕饮咖啡倾偈，唔会嘈吵，好悠闲嘅感觉，可惜我今日唔可以坐下来食 ，行到雪柜前，有八款蛋糕左右，卖相好靓，又大件，睇食评话「绿茶红豆蛋糕」同「伯爵奶茶蛋糕」好味，企在雪柜前挣扎了5分钟，最后「绿茶红豆蛋糕」胜出（我都系抗拒唔到红豆味 ）拣好同店员讲，佢问我堂食定外卖，知道系外卖就将唯一一件蛋糕放入硬底手挽纸袋比我（设计好简洁，环保又稳阵），仲问我要唔要胶叉，一枝叉定两支，好细心！本来佢仲想封袋口，我话好近不用了！佢提醒我小心拎！欣赏蛋糕会用纸封住切口，唔会比雪柜抽干水份（好小事但细心！）见到中间绿色蛋糕夹住红豆忌廉，外面浅绿色忌廉好厚，蛋糕面有红豆粒，卖相好靓！食一啖已经喜欢，蛋糕松软，虽然绿色但茶味主要来自外层浅绿色忌廉，茶味带甘，可以平衡红豆嘅甜，红豆粒净食好甜，夹埋蛋糕一齐食就刚好！好大一件，食完都几饱！如果