HASH CAFE (已結業)

今晚去左天水围揾朋友, 就顺便系天水围食埋晚饭先返屋企。见到呢间文青CAFÉ装修几靓又唔洗等位, 就拣左呢间餐厅喇。餐牌都有几多选择, set dinner大约$58-128, 包沙律/汤同埋饮品, 价钱非常合理。最后叫左一个牛扒餐。是日餐汤系南瓜汤, 虽然个汤系送既但都好好饮。主菜方面牛扒唔会太熟, 平时食牛扒最怕有一大阵松肉粉味, 但今次冇, 所以都几惊喜。饮品加钱转左芝士奶盖四季春, 芝士味唔算好重都几易入口, 饭后饮刚刚好。系屋村商场有一间环境咁舒适又性价比高既餐厅, 真系几难得, 有机会一定会再帮衬。