泰聚 (已結業)

星期日难得同母亲大人食晚饭，由于唔想食嚟食去都系新北江嘅关系，所以揾咗间喺聚星楼附近嘅泰国餐厅。餐厅有专属停车场，啱晒一家大细驾车用膳。我哋6点几去到，餐厅负责人话今晚full booking，所以7点半要还枱。我哋入去坐低就好快手叫咗四样嘢食，两个人嚟讲算系叫得多。上菜嘅速度好快，而整体嘅味道都好好，我最钟意食嘅椰菜苗炒得好有水准，炭烧鲭鱼即烧效果超正，不过凤爪则不过不失，炒粉丝调味略嫌不太够，最后和母亲大人吃到捧著肚子走。我非常推荐这间泰国餐厅，如果大家唔想等太耐嘅话，建议去食之前预先订位。