千葉鳥

营业中

休息中

呢日去到天水围探亲，亲戚介绍左间位于天泽商场既日本餐厅， 探完亲之后我同老婆去咗试， 我哋中午时间去到门口都排晒队， 我哋大概等咗20分钟左右就安排入座， 餐厅嘅装修都好有日式风格。 午市套餐都几抵， 所有午市套餐都送小食或饮品一款。软壳蟹野菜沙律配乌冬野菜沙律和牛油果配咗日式嘅沙律汁， 沙律汁有好香嘅芝麻味， 软壳蟹炸得好脆身， 乌冬系用咗稻庭乌冬， 食落口好爽口弹牙。吞拿鱼七色丼呢个丼饭好丰富， 有三文鱼，油甘鱼， 甜虾，海胆 ，吞拿鱼， 香葱吞拿鱼蓉等， 比较特别系有一只鹌鹑蛋可以捞饭， 碗饭嘅鱼生大致上都够新鲜。酱油渍牛舌拉面牛舌做得够入味， 肉质都够淋， 个汤底我哋拣猪骨汤， 味道都几香， 面质几爽口。