XTC Gelato (已結業)

食完饭口痕想食雪糕，经过尖沙咀天星码头，见到有XTC Gelato，同朋友仔买返个双球雪糕慢慢叹~XTC Gelato主打天然低脂意式雪糕，有一系列雪糕、雪葩。除左有固定既经典口味，每季都会推出多款期间限定口味!好友拣左期间限定既山竹雪葩同哈密瓜雪葩，山竹好有清甜脱俗既感觉，哈密瓜味道浓郁爽甜，加上雪葩不含乳制品同脂肪，健康又好味~我拣左香蕉乳酪同冧酒提子干，酸甜乳酪配充满果香既香蕉，好清新；带酒香味既提子干令人一试难忘。雪糕可以拣脆筒或雪糕杯，食落柔软细腻，食得出用新鲜材料制造，全天然、无任何添加剂，食得健康又安心~