Tea Library (已結業)

早排经过中环见到有一间饮品店好特别，佢系主打茶叶饮品，但又有少少混合咗新式嘅饮品配料，肥妹仔我觉得好特别，所以就拉埋肥妈试一试。呢一间舖头并唔系普通嘅饮品店，佢嘅所有茶底系每天都有店员用四种茶叶冲成，全天然，一啲都唔马虎! 肥妹仔我仲特登问过店员，原来佢嘅所有茶叶系由两间香港老字号茶叶供应商入货，所以饮落去绝对有品质嘅保证! 肥妹仔我仲听到原来佢哋所有嘅茶底都唔会落糖浆或者任添加任何有化学成分嘅物质，好天然好健康㗎。芝士黑朱古力珍藏普洱  $48肥妹仔我就试咗呢一个芝士黑朱古力珍藏普洱，饮落去好特别，因为平时肥妹仔饮得朱古力多，但系就未试过饮朱古力沟茶。 饮落去除咗有朱古力𠮶种香浓嘅味道之外，仲饮到好浓厚嘅普洱味。你哋可能会觉得好奇怪，但系个感觉意外地夹，而佢嘅芝士带少少微酸，系由新鲜嘅忌廉打成，沟埋朱古力普洱一齐饮又系另外一番滋味。芝士火龙银毫茉莉龙珠  $48火龙果对身体好就系人都知，但系肥妹仔同好多人都系一样，未饮过火龙果汁沟茉莉茶。饮落去除咗又好浓嘅火龙果味之外，清香嘅茉莉花茶𠮶种味亦都唔输蚀，饮落去好搭。