Tea Library (已結業)

宜家饮品店开到成行成市，要拣一间好饮嘅真系唔容易㗎!早排我就喺中环试过一间主打天然健康嘅饮品，试过之后觉得好饮， 最紧要系够健康tim!!!呢一间饮品店会用四种茶叶作为基底，每一日都有店员亲手新鲜冲泡。而佢嘅所有茶叶系由两间香港老字号入货，绝对有信心嘅保证。 同埋我知道呢一间铺头唔会落糖浆或者任何有化学成份嘅物料，咁就够晒天然健康啦!芝士黑朱古力珍藏普洱  $48我朋友就试咗一个芝士黑朱古力珍藏普洱，听落去个配搭好新颖，但饮落去原来系好夹。首先呢一杯嘅饮品朱古力味好浓郁，唔会过甜。除咗朱古力味之外，仲饮得出好香浓嘅普洱味。而佢嘅芝士唔甜， 带少少酸，捞埋成杯黎饮又系另外一种味道。芝士火龙银毫茉莉龙珠  $48火龙果排毒美颜，茉莉茶就可以清心降火，未饮已经觉得好健康!火龙果汁好清甜，饮得出完全唔系化学嘅味道，而茉莉茶嘅清香亦都非常出色。