沐白小農 (已結業)

喺尖沙咀行街行到口渴揾嘢饮，听闻沐白最近嚟咗尖沙咀宝勒巷，上次喺澳门饮过，念念不忘，终于畀我再遇上。呢家由台湾开到嚟香港嘅台式茶饮店卖点系佢自家农场嘅牛奶，新鲜味美，百份百天然健康原材料调制，让人安心享用。少有地呢度买完饮品可以行入去有些位置，可坐下歇歇脚，有需要嘅有些手机叉电位，方便食客。另一个特色喺呢度嘅手摇杯，饮之前左右摇匀杯里面嘅材料，然后才插入饮管，慢慢享用。大甲芋头小芋圆鲜奶~老公系芋头控，呢个芋头鲜奶最啱佢，芋头香，仲有烟烟韧韧嘅芋圆，唔单止饮品咁简单，喺一个好好饮嘅甜品。沐白黑糖波霸鲜奶~鲜奶本身好香，唔会太甜，黑糖珍珠系一个好好嘅配搭，原来珍珠唔一定要配茶，只配鲜奶都系一个好好嘅选择，珍珠控一定要试。沐白红茶鲜豆乳~鲜豆乳配红茶系另一个饮法，有另一种香味，味道清香，阿女钟意呢个。