deFoodies

营业中

休息中

🐽鲜茄焗猪扒饭加四重芝士🧀平时鲜茄焗猪扒饭食得多，芝士白汁焗鸡皇饭食得多或者芝士白汁焗海鲜饭都食得多，但将两者混合又真系比较少见到少食到喔～～鲜茄焗猪扒饭加上满满嘅芝士❓呢度就有得食啦！猪扒先经过煎到七八成熟再同饭底一同放入焗炉烤焗，最后放入四种唔同种类嘅芝士焗多一少段时间。猪扒经过烤焗有少少㶶边位置🥩，会带点脆口肉质又仲系好软稔。鲜茄份量多多而且加入咗茄膏。干爽嘅饭粒混合茄汁嘅香甜同埋鸡蛋液焗完后非常之惹味。最后当然系个四重芝士，为焗饭增添咸香味道。