影片
更多
2017-04-19
11552 浏览
天香楼，果然名不虚传。龙井虾仁：用雨前龙井同埋河虾，冇错，系用好靓嘅河虾，香港应该系只此一家。你会食到虾味，虾肉嘅自然质感，再配合龙井茶叶嘅清香，好正宗。生爆鳝背：用新鲜黄鳝，只系用背脊肉所以冇哂骨，爆到靓脆，绝不是干争争的脆，而是带有烟靭松软的脆，调味一流，这种高水平相信香港只此一家。东坡肉： 天香楼嘅东坡肉做到有肥油但系唔肥腻，妙！ 伴著东坡肉上枱嘅汤汁直情可以饮埋佢，唔肥唔滞。「东坡肉已经出咗油，所以放心食，放心饮啦」，楼面海哥笑笑口咁温馨提示，可能惊我哋会怕肥。其实我一啲都唔惊，食东坡肉一定要有肥膏，如果只系食瘦肉，不如唔好食，哈哈！虾子竹笋： 「竹笋现在当造，整碟虾子竹笋啦，包靓！」 海哥又再温馨提示。竹笋的确好清好爽，冇酸味，加埋虾子嘅香，简简单单，咁又一味靓𩠌。蟹皇翅： 原来系用生拆大闸蟹嘅蟹膏，唔怪得知咁好味，更何况天香楼嘅大闸蟹一向都特别高质素，蟹香真系赢人哋几条街。鱼翅嘅份量亦都唔少，装到个碗满满的，我就问海哥有冇三两翅，海哥笑笑口咁答：「冇三两，得二两九咋」，系咪玩我呀海哥，哈哈！呢碗蟹皇翅绝对系顶班嘅质素，不可不吃。酒酿丸子：令人惊喜嘅改良版。一向都觉得酒酿丸子
龙井虾仁：用雨前龙井同埋河虾，冇错，系用好靓嘅河虾，香港应该系只此一家。你会食到虾味，虾肉嘅自然质感，再配合龙井茶叶嘅清香，好正宗。
生爆鳝背：用新鲜黄鳝，只系用背脊肉所以冇哂骨，爆到靓脆，绝不是干争争的脆，而是带有烟靭松软的脆，调味一流，这种高水平相信香港只此一家。
东坡肉： 天香楼嘅东坡肉做到有肥油但系唔肥腻，妙！ 伴著东坡肉上枱嘅汤汁直情可以饮埋佢，唔肥唔滞。「东坡肉已经出咗油，所以放心食，放心饮啦」，楼面海哥笑笑口咁温馨提示，可能惊我哋会怕肥。其实我一啲都唔惊，食东坡肉一定要有肥膏，如果只系食瘦肉，不如唔好食，哈哈！
虾子竹笋： 「竹笋现在当造，整碟虾子竹笋啦，包靓！」 海哥又再温馨提示。竹笋的确好清好爽，冇酸味，加埋虾子嘅香，简简单单，咁又一味靓𩠌。
蟹皇翅： 原来系用生拆大闸蟹嘅蟹膏，唔怪得知咁好味，更何况天香楼嘅大闸蟹一向都特别高质素，蟹香真系赢人哋几条街。鱼翅嘅份量亦都唔少，装到个碗满满的，我就问海哥有冇三两翅，海哥笑笑口咁答：「冇三两，得二两九咋」，系咪玩我呀海哥，哈哈！呢碗蟹皇翅绝对系顶班嘅质素，不可不吃。
酒酿丸子：令人惊喜嘅改良版。一向都觉得酒酿丸子作为甜品，酒味略嫌有点浓，天香楼嘅做法就加咗香蕉粒，橘子，士多啤梨，令酒味淡咗，甜味多咗，同时有啲消滞嘅感觉，真系唔错。
有佳肴，怎可以没有美酒。天香楼秘制嘅陈年花雕，闻名中外，主要用28年嘅旧酒兑5年以上新酒，独门秘方我哋学唔到。闲闲地先饮一斤，饮过就知，真系好醇好香好滑，必定上瘾，外间找不到，香港只此一家，世界只此一家。
以前听前辈讲：在中国要食最靓嘅杭州菜，到香港嘅天香楼，不是去杭州。蔡澜亦都话：全香港最好嘅餐厅一定系天香楼。
我明白了！😉😉💓💓👍👍
龙井虾仁
410 浏览
0 赞好
0 留言
山爆脆鳝
391 浏览
0 赞好
0 留言
陈年花雕
425 浏览
0 赞好
0 留言
蟹皇翅
411 浏览
0 赞好
0 留言
东坡肉
477 浏览
0 赞好
0 留言
张贴
