影片
更多
2022-05-29
1134 浏览
今日一田大减价，同屋企人去apm度买野，之前已经睇左观塘有咩好食，屋企人话想食日本野，之后就揾到呢间离远商场小小，喺商业大厦入边嘅日本菜。餐厅选择种类都好多，有刺身，寿司，串烧，熟食等等，而我地就拣左以下食物：特上九点寿司盛合～油金鱼，赤身，三文鱼，深海池鱼，帆立贝，碎葱吞拿鱼腩，松叶蟹肉，甜虾，原条鳗鱼（＄228）：寿司用料好新鲜，而且鱼生份量亦都大大件。而寿司饭亦都唔会松散。职员仲好贴心提醒我地首先食军舰，因为紫菜会容易变淋，松叶蟹肉好鲜甜，帆立贝鲜味甘甜而肉质丰厚有弹性，甜虾爽口又大只，油金鱼嘅鱼油好香，深海池鱼肉质鲜嫩肥美。天龙卷（＄98）：呢个造型真系好得意，佢系一条龙嘅造型，打卡一流，面头系火炙三文鱼和鱼子，中间有天妇罗虎虾，虎虾够晒大只，而且爽口弹牙，火炙三文鱼烧得好香，而且三文鱼好肥美，配上自家制嘅微辣酱好滋味。明太子酱烧玉子（＄26）：本身好钟意食玉子烧，但配明太子烧嘅就第一次试，原来玉子配上明太子有另一番风味，明太子嘅咸香同玉子亦都好夹，玉子亦蛋味浓郁。香芒三文鱼米纸卷（＄68）：呢款系时令推介，芒果同三文鱼真系好夹，配上麻酱亦都好清新。三文鱼头连鲛（＄68）：呢𠮶
餐厅选择种类都好多，有刺身，寿司，串烧，熟食等等，而我地就拣左以下食物：
特上九点寿司盛合～油金鱼，赤身，三文鱼，深海池鱼，帆立贝，碎葱吞拿鱼腩，松叶蟹肉，甜虾，原条鳗鱼（＄228）：
寿司用料好新鲜，而且鱼生份量亦都大大件。而寿司饭亦都唔会松散。
职员仲好贴心提醒我地首先食军舰，因为紫菜会容易变淋，松叶蟹肉好鲜甜，帆立贝鲜味甘甜而肉质丰厚有弹性，甜虾爽口又大只，油金鱼嘅鱼油好香，深海池鱼肉质鲜嫩肥美。
天龙卷（＄98）：
呢个造型真系好得意，佢系一条龙嘅造型，打卡一流，面头系火炙三文鱼和鱼子，中间有天妇罗虎虾，虎虾够晒大只，而且爽口弹牙，火炙三文鱼烧得好香，而且三文鱼好肥美，配上自家制嘅微辣酱好滋味。
明太子酱烧玉子（＄26）：
本身好钟意食玉子烧，但配明太子烧嘅就第一次试，原来玉子配上明太子有另一番风味，明太子嘅咸香同玉子亦都好夹，玉子亦蛋味浓郁。
香芒三文鱼米纸卷（＄68）：
呢款系时令推介，芒果同三文鱼真系好夹，配上麻酱亦都好清新。
三文鱼头连鲛（＄68）：
呢𠮶烧到个皮又香又脆，而肉质嫩滑，唔会烧到干哂，而且亦都多鱼肉，三文鱼有啲位置带有肥膏，烧过更加滋味。
香槟葡萄梳打（＄32）：
职员好细心咁提示我地要搅拌左之后饮，如果唔系就会太甜。呢杯系朋友饮嘅，佢话梳打同葡萄嘅比例配合得好好，而葡萄味亦都好清新，而且唔会过甜。
白桃乳酸（＄32）：
未饮过呢个配搭，白桃同乳酸都好衬，酸酸地几开胃，冻饮份量都几大杯，都几抵饮。
呢度嘅食物都好好味，而且职员亦都好有礼貌同细心，值得一赞，呢间餐厅远离观塘市区，食物质素又高，好适合同朋友过黎聚会，会推介俾身边嘅朋友。
张贴
