Simplylife Cafe (已結業)

呢间分店喺公司附近、系啲外国同事推介嘅！佢哋话咖啡质素唔错价钱又好抵所以嚟试吓！原来星期一至五、十一点前买任何食物只需要加$17就可以有一杯细热咖啡！大杯装或者冻饮都系加$22咋！三文治同埋酥皮类面包都有好多款仲有蛋糕、muffin 添！今次拣咗三文鱼丹麦酥！店员会主动帮你翻热、之后就去收银拣咖啡！原来系可以拣任何咖啡ga、我就拣咗拖肥latte!比完钱唔使3分钟就可以攞到咖啡！啱晒朝头早咁赶时间！杯咖啡拉花好靓！最重要系咖啡真系热辣辣！个人最唔钟意唔专业嘅咖啡师啲奶未打热就倒落啲咖啡度、搞到啲咖啡完全唔热！饮落咖啡顺口、而且拖肥味好香、重点系唔会太甜啱啱好！三文鱼丹麦酥咬落去好松脆、又唔会油淋淋！上面仲有一大块芝士！中间三文鱼松份量都唔少！现场仲有好多梳化位八点半都唔够已经好多人起到开紧会倾计做嘢 😹 买单一共$34已经有咖啡、有个包我觉得好抵