越南語角

营业中

休息中

喺太古坊返工，其实个胃真系好幸福！附近除咗太古城之外，鲗鱼涌一带仲有好多隐世餐厅，唔国国家嘅菜式，甚至平价之选都有。不过，大家同一时间放lunch，所以四围都要等位，只脚就唔多幸福喇！与期都要等位，咁就梗系等一间值得嘅，今次就食主打越南菜嘅越南语角。串烧牛肉牛肉嘅火喉都算控制得唔错，口感唔会太韧，生熟度啱啱好，配上甜甜哋嘅特制酱汁，非常特别。软壳蟹米纸卷另一款小食叫咗软壳蟹米纸卷，薄薄嘅米纸包住爽脆菜丝、牛油果同软壳蟹，加上蘸料，口感十分丰富又有层次，重点系够晒fresh！生牛肉汤金边粉生牛肉汤粉嘅精髓当然在于汤底，越南语角嘅汤底充满香浓嘅牛肉香味，每啖粉都忍唔住要连汤一齐食。另外，金边粉非常幼滑，而且挂汤，值得推介！不过，由于汤底非常之热，所以牛肉好快就会全熟，所以想食半生熟就要快手食喇。鸡丝捞檬怕热嘅推介你食鸡丝捞檬，材料非常丰富，鸡丝、青瓜丝、红萝卜丝、白萝卜丝，加上蒜片同酸酸甜甜嘅捞檬汁吊味，非常新鲜开胃。