반찬앤쿡 Banchan and Cook (太古城中心)

营业中

休息中

太古城美食众多，成日都因为食嘢而搅到头都大埋。今日我就拣咗太古城广场二期嘅Banchan & Cook。餐厅环境舒适、地方都阔落。落单取餐等需环自行到柜枱处理。慢煮鸡胸蛋包饭，蛋非常有动感，中间𠝹开后，半熟嘅蛋汁从内流出，未食都流哂口水。慢煮鸡胸非常嫩滑，再配上忌廉蘑菇汁，即个蛋包饭相当完满。韩式牛扒三文治，厚一厚嘅牛扒，夹哂脆卜卜嘅包之间，口感一流。牛扒唔韧、而且牛味香浓。配返沙律菜，平均返营养需求。甜辣无骨炸鸡，除咗炸鸡，仲有薯条同年糕。虽然提供咗两款酱汁，但炸鸡本身已有甜甜辣辣嘅味道，所以唔点酱都好好味。手工巴斯克芝士蛋糕，甜品介嘅新星，近年最热门嘅甜品。Banchan & Cook 嘅手工巴斯克芝士蛋糕芝士都够香浓、只系略嫌唔够实净。玫瑰红桑子沙冰，即使打成沙冰，都依然饮到玫瑰花味。红桑子味都好突出。荔枝柠檬沙冰，唔知点解会系蓝绿色。不过好有荔枝同柠檬嘅味道。一酸一甜，但撞得好平衡。