八方台式麵屋 (太古城中心) (已結業)

见佢装修都几靓，谂住lunch去试下，坐底左先发现佢系八方云集，所以都无乜期望，试左个花枝丸蕃茄米线再加$7配咗个盐酥鸡。先讲个花枝蕃茄米线先，个汤底好浓好有蕃茄味，仲有大大旧蕃茄系度，卖相都见得下人！花枝丸有5粒，唔算好大粒，但都有够食，味道就普通花枝丸，无乜特别。面线有少少淋，不过呢个好个人口味，可能系我自己唔太钟意。至于个盐酥鸡，我觉得不值一试，好淋好油！炸粉又厚，真系唔太ok!好彩只系加$7！因为星期一至五嘅lunch，所以佢送左杯野饮，有阿萨姆红茶同台湾茉香绿茶比你拣，我拣左绿茶，不过朋友话有啲甜，唔想要甜记得叫佢走甜吖！成餐饭$62，唔叫平，但系太古城都叫抵。