大勝軒丸一 (金星閣) (已結業)

屋企楼下开咗间新嘅餐厅，出名食日式沾面！标榜汤底系由日本直送！成日经过都见到超多人排队，今日专登同老公落去试吓！餐厅开11点半，我哋早15分钟落去排队！开门前十分钟左右职员会出嚟派点菜纸，之后会直接帮我地落单! 所以一坐低之后好快就有得食！餐厅环境一般，铺面好细，得20个位左右！呢排天气好热，成30几度！感觉餐厅入面冷气唔够，老公未食已经出晒汗！仲有几只蚊滋飞黎飞去，都几骚扰吓！我地点左一碗大胜轩沾面、一碗特盛沾面加一碟饺子！两款沾面嘅汤底其实一样，只系特盛多一块叉烧同埋一只味玉（蛋）！面可以拣「冻」或者「微暖」！我拣咗微暖、老公就拣冻！面可以拣200g或者250g! 两者价钱一样！面质几弹牙，口感不错！汤底几浓味，唔算太油，不过我嫌唔够热！叉烧算松化，不过好细旧！偷食左老公嘅味玉，虽然唔系流心，但味道不俗！饺子正常的好味！整体食物质素OK！但系环境认真麻麻！埋单＄200！如果唔使排队，都可以一试嘅！