影片
更多
2022-04-25
39 浏览
前日同朋友去太古城中心行街，朋友话好想食韩国菜，于是我地就去左呢间韩国菜餐厅食lunch。芝士有骨炸鸡（半份）$118半份炸鸡嘅份量都唔少，有半只鸡，切开大约六七件炸鸡。炸鸡外脆内滑，充满肉汁。芝士味嘅炸鸡味道带甜，如果再多啲芝士粉，味道应该会再浓郁啲。仲有年糕同薯条。松露野菌蛋包饭 $102一切开见到流心嘅蛋汁，食落好嫩滑。白饭配埋酱汁、滑蛋同埋松露野菌，味道一流。烤鸡卡邦尼年糕 $92烤鸡皮好香脆，鸡肉都几嫩滑。卡邦尼年糕口感软糯，卡邦尼酱汁好浓好creamy，好食。韩式猪手沙律 $92从来冇谂过原来猪手同沙律可以扯上关系，但又几唔错㖞。猪手好入味，入口爽口。沙律可以平衡返猪手嘅腻。烤朱古力棉花糖 $78呢个甜品就好似平时去BBQ烧棉花糖咁，棉花糖表面烤得香脆，入面软滑拉丝，味道比较甜，配埋消化饼咁食就会觉得冇咁甜。一份适合几个人share食。济州鲜奶绿茶 $42饮落去唔甜，奶香同茶香都好浓郁，几好饮。溶化朱古力 $42都唔会太甜，入口creamy，几重朱古力味。
芝士有骨炸鸡（半份）$118
半份炸鸡嘅份量都唔少，有半只鸡，切开大约六七件炸鸡。炸鸡外脆内滑，充满肉汁。芝士味嘅炸鸡味道带甜，如果再多啲芝士粉，味道应该会再浓郁啲。仲有年糕同薯条。
松露野菌蛋包饭 $102
一切开见到流心嘅蛋汁，食落好嫩滑。白饭配埋酱汁、滑蛋同埋松露野菌，味道一流。
烤鸡卡邦尼年糕 $92
烤鸡皮好香脆，鸡肉都几嫩滑。卡邦尼年糕口感软糯，卡邦尼酱汁好浓好creamy，好食。
韩式猪手沙律 $92
从来冇谂过原来猪手同沙律可以扯上关系，但又几唔错㖞。猪手好入味，入口爽口。沙律可以平衡返猪手嘅腻。
烤朱古力棉花糖 $78
呢个甜品就好似平时去BBQ烧棉花糖咁，棉花糖表面烤得香脆，入面软滑拉丝，味道比较甜，配埋消化饼咁食就会觉得冇咁甜。一份适合几个人share食。
济州鲜奶绿茶 $42
饮落去唔甜，奶香同茶香都好浓郁，几好饮。
溶化朱古力 $42
都唔会太甜，入口creamy，几重朱古力味。
张贴
