반찬앤쿡 Banchan and Cook (太古城中心)

营业中

休息中

睇完戏要医肚，经过呢间木系装修，走韩国少女风既韩国菜，排队等半个钟就有位！ 呢度采用自助方式点餐，餐具、水都系自助既～ 点餐后拎个电子取餐机等通知。🍳泡菜炖五花肉蛋包饭大大片大白菜泡菜包住肉厚既五花肉，观感不错！ 打开红卜卜菜叶后，见到2件五花肉非常诱惑～ 可以切细放喺泡菜上卷入口，腌泡菜味道香浓唔太辛口，咬落五花肉跟脂肪相间软弹juicy! 记得蛋要轻轻切开，反开入面既蛋浆，感觉好治愈。🍖猪手沙律长方碟一排砌好十数件去骨猪手，旁边配点青绿沙律菜，色泽对比鲜明。叉子刺进猪皮外层，软淋够弹性，酱汁渗透猪肉～🍗酱油蒜头无骨炸鸡无骨炸鸡方便易食，唔驶搞到成手油琳琳，更加唔洗戴手套！咬开鸡件分两啖享用，香脆既炸浆紧抓住白嫩鸡肉，外皮几香口够薄兼卜卜脆，鸡肉嫩滑之余酱油味道颇浓厚，一件接一件，食完又唔会有口干感觉。🍮杂莓瑞士卷蛋糕外层唔厚，蛋味几香伴上红豆蓉，包住中间既牛油忌廉挺身香滑，甜度也恰当。🍹红桑子沙冰甜甜地果香芬芳馥郁，夏天饮啱哂～🧋伯爵茶鲜奶咖啡 Earl grey 既茶香突出，并无比咖啡味盖过。