芝加哥串燒酒場 (太和中心)

🌟竟然喺北区俾我揾到一间高质嘅酒吧。芝加哥串烧酒场🌟入到去有高枱，亦都有普通枱，坐得几舒服🌟酒吧主打串烧，有超过100串嘅串烧🌟串烧调味可以拣辣到，唔会过死咸，有啲系葱蒜味，有啲系孜然粉味，惹味，陪酒一流🌟斋Cocktail都好有好多种，今次拣咗Godiva Chocolate, 用Godiva朱古力沟烈酒，加埋棉花糖粒粒，形成一杯高质嘅奶酒，好推荐🌟另外都叫咗一支CIDER，喺爱尔兰销量第一嘅苹果酒，入口苹果香味重，酒精浓度唔高，好适合女仔饮🌟重点推介海鲜串烧， 香蒜葱花广岛蚝，调味恰到好处，唔会遮盖左蚝味🌟每只蚝烧完都好饱满，多汁，又够大只，差唔多有成只手掌咁大，CP值好高🌟另外都推荐烧白鳝，香葱烧蛏子王，够厚肉，烧到啱啱好熟，完全唔会过老🌟安格斯牛肉芦笋串，同埋金菇牛肉卷，都系必点🌟原条烧茄子，都系必点，条茄子劲大条，烧完都保留住蔬菜嘅汁水，超高质🌟最后一定要食埋烧菠萝，烧完更加突出甜味，好正