榮式燒雞扒 (已結業)

一班同事见好耐冇叫膳食小厨嘅外卖, 谂住今日又叫番, 好耐冇叫嘅原因系佢之前多次迟到得太离谱又乱报价钱, 所以抵制佢, 但今日又心软再俾次机会佢啦, 好彩冇迟到啫, 加咗价就预咗架喇! 但见两块鸡扒虽然面积冇咩细到, 但就薄咗一半有多, 好似块纸皮咁上下, 当然冇晒啖啖肉嘅口感啦! 佢加价减料我唔怪佢, 佢可以整细旧啲啦, 但佢偏要整薄, 搞到肉质实晒又鞋晒, 真系好难捧场啫!"荣式鸡扒"系佢嘅招牌菜嚟, 以后就要改为"荣式鸡扒薄切"喇!