影片
更多
2021-11-19
4973 浏览
整体食物同埋室内环境设计都唔错。但因为实在太多人令到整体感觉唔好。当然，食食吓饭嘅时候有只大概2cm大嘅曱甴系你坐紧𠮶张凳爬过嘅时候，整体感觉变得非常差. 未到6:30 ，闲日，已经有几十人开始排队准备入场。搭正6:30 ，好似跑马开闸咁样，啲人群拥入去。入到去啲人当然就要排队攞嘢食啦。冻海鲜，刺身，同埋鹅肝系长期有人排队。系去到大概8:30打后至九点先至唔使点样排队。但到咗呢个时候，鱼生有一部份已经冇供应，甜品亦都差不多抢掠一空。甜品食完就冇㗎啦。冇得不停refill. 应该系话佢之前有refill嘅，但当冇咗人群之后，啲嘢已经食晒，厨房亦都冇货可以refill啦。所以一系你就8:30之前去抢，如果唔系就冇得食. 虽然要抢嘢食系一个好差嘅经验，但食物嘅味道唔错嘅。亦都有一啲比较贵价嘅食物例如花胶，生蚝，鹅肝，芝士焗龙虾。面包蟹都出过好几次，但真系要好好彩夹啱时间你先至可以攞到蟹盖。墙脚蟹非常之瘦，根本冇肉食。唔好浪费你嘅时间同力气剪开啲蟹壳. 煎鸭肝个师傅不停咁一分为二，二分为四，最后食到嘅大概会有一个$5银咁大，如果运气好，可能𠮶一轮师傅冇切开咁多件，可以比$5银大啲。每人每次只限
未到6:30 ，闲日，已经有几十人开始排队准备入场。搭正6:30 ，好似跑马开闸咁样，啲人群拥入去。入到去啲人当然就要排队攞嘢食啦。冻海鲜，刺身，同埋鹅肝系长期有人排队。系去到大概8:30打后至九点先至唔使点样排队。但到咗呢个时候，鱼生有一部份已经冇供应，甜品亦都差不多抢掠一空。甜品食完就冇㗎啦。冇得不停refill. 应该系话佢之前有refill嘅，但当冇咗人群之后，啲嘢已经食晒，厨房亦都冇货可以refill啦。所以一系你就8:30之前去抢，如果唔系就冇得食.
虽然要抢嘢食系一个好差嘅经验，但食物嘅味道唔错嘅。亦都有一啲比较贵价嘅食物例如花胶，生蚝，鹅肝，芝士焗龙虾。面包蟹都出过好几次，但真系要好好彩夹啱时间你先至可以攞到蟹盖。
墙脚蟹非常之瘦，根本冇肉食。唔好浪费你嘅时间同力气剪开啲蟹壳.
煎鸭肝个师傅不停咁一分为二，二分为四，最后食到嘅大概会有一个$5银咁大，如果运气好，可能𠮶一轮师傅冇切开咁多件，可以比$5银大啲。每人每次只限攞一件。仲要排长龙。好晒时间，但只可以攞到$5银咁大嘅鸭肝。
焗龙虾同埋焗扇贝都系一个非常之抢手嘅食物。基本上一出就冇。真系瞬间即逝，你只会见佢出现喺个盘大概10秒，然之后就会俾人夹晒。然之后又要等几个字之后先至会再出。味道方面一般啦。龙虾肉质比较实。冇咩味。
鱼生刺身，都有好多款。但系头𠮶两个钟都系不停有一条好长嘅路，所以冇去排队。到唔使排队嘅时候油甘鱼已经冇晒啦。都系果句啦，想食就去排队，如果唔系冇得食。
生蚝系鲜甜好味嘅。不过长期有人龙。每次只限攞三只。所以好嘥时间。
羊假架有时非常生有时啱啱好，睇自己运气。不过都好味嘅如果佢唔太散嘅话。
到全晚最大惊喜或者惊吓嘅环节就系食食吓饭，你坐紧𠮶张凳有一只大概两cm大嘅曱甴行紧。顿时惊到大嗌到嗌唔出声，成个人弹起。吓到隔离枱位小姐添。职员应该都知道大获㗎啦，好快成张凳搬走当冇事发生。𠮶阵时其实都已经食紧甜品啦，我哋亦都冇再追究，因为已经食到好饱。如果一开始就见到嘅话会影响食欲。系呢一方面我觉得酒店可以做好少少，话晒喺餐厅中间一啲咁人来人往，咁开阳嘅地方，有咁大只曱甴经过。佢哋嘅清洁系咪可以做好啲呢？但系酒店冇人同我哋讲个唔好意思。不过都系嘅，可以讲啲咩啊。梗系当咩事都冇发生过啦唔通叫我哋call食环处咩。
张贴
