影片
更多
2015-10-10
6905 浏览
食物选择以熟食、小食同甜品为主，贵价自助餐常见嘅冷盘鱼生甚少，生蚝等冷盘海鲜直情冇影，迁就小朋友口味?大朋友就可能有啲失望。最抵食可能系鳕鱼，有出面百几二百蚊一客质素，鱼油味香浓。软雪糕亦系必食，又香又滑，系出面几十蚊杯货色，可惜只此一款，自助餐梗系多款口味任砌开心啲，就算得雀巢又点话… 小熊维尼慕丝好睇又好食，甜度适中有果香又够滑，可惜份量以自助餐嚟讲偏大，食一份已经唔想食其他。可惜其他食物质素参差，最失望系烧八爪鱼丸，十分干硬，炸㗎? 薯条炸得一般，纯粹氹细路? 即渌鱼蛋河同点心大概只为迁就喜欢中式食物长者，食味十分一般。话时话，咁贵自助餐整一两款迪士尼造型点心氹吓我都冇，要食一定要去中菜厅?五百几蚊自助餐得三百几蚊货色，明嘅，其他费用系同迪士尼朋友影相嘛，呢样真系落足料，几个公仔轮流影相人人有份，绝对值回票价。不过影相密度甚高，之后仲要疯狂冲晒出嚟递俾你睇氹你买，十几廿张眨咗眼唔望镜头照冲可也，频繁程度近乎烦扰...嚟呢度，千祈唔好期待可以慢慢叹有好嘢食，都系当自己嚟玩好啲，好忙㗎...
最抵食可能系鳕鱼，有出面百几二百蚊一客质素，鱼油味香浓。软雪糕亦系必食，又香又滑，系出面几十蚊杯货色，可惜只此一款，自助餐梗系多款口味任砌开心啲，就算得雀巢又点话… 小熊维尼慕丝好睇又好食，甜度适中有果香又够滑，可惜份量以自助餐嚟讲偏大，食一份已经唔想食其他。
可惜其他食物质素参差，最失望系烧八爪鱼丸，十分干硬，炸㗎? 薯条炸得一般，纯粹氹细路? 即渌鱼蛋河同点心大概只为迁就喜欢中式食物长者，食味十分一般。话时话，咁贵自助餐整一两款迪士尼造型点心氹吓我都冇，要食一定要去中菜厅?
五百几蚊自助餐得三百几蚊货色，明嘅，其他费用系同迪士尼朋友影相嘛，呢样真系落足料，几个公仔轮流影相人人有份，绝对值回票价。不过影相密度甚高，之后仲要疯狂冲晒出嚟递俾你睇氹你买，十几廿张眨咗眼唔望镜头照冲可也，频繁程度近乎烦扰...
嚟呢度，千祈唔好期待可以慢慢叹有好嘢食，都系当自己嚟玩好啲，好忙㗎...
张贴