風雲丸 (已結業)

我几钟意食沾面，成日经过呢间都未试过，今日喺正呢度落巴士，就试吓啦！有四款面量，分别系并盛(200克)、大盛(300克)、特盛(400克)及富士山盛(800克)，前三种价钱一样，富士山盛就要加$45。我咁肚饿但又唔想加钱，咁当然系食特盛！豚骨鱼介味玉沾面 ($93)平时食嘅沾面比较普通，不过呢个上菜时都觉得几震撼！用石锅承载更能keep住温度，就算未饮，已经闻到鱼味，饮落鲜味更突出，口感好浓厚但一啲都唔会觉得过咸或油腻。原来呢个汤底系以2公斤猪骨及鸡骨熬足8小时以上。上菜前仲会落啲超浓厚酱油、猪油、鱼介粉、鱼介酱，蒜蓉及一味粉。望一望厨房旁嘅台面，上有有好多沙甸鱼干，原来会先将佢哋风干4天至一星期，再磨成粉末制成鱼介粉；面条非常粗身，挂汤能力唔错，因为系叫咗冻面，口感特别烟韧；食到咁上吓再加少少柠檬汁，店员话会冇咁腻，不过我觉得柠檬汁系令鱼味更加突出！秘制厚切叉烧肥瘦适中，轻轻烧过𠮶种焦味更加正；溏心蛋简直一流，一切开啲蛋汁漏晒出嚟，蛋味劲香浓，其实真系想再叫多只！估唔到沾面质素好好，最buy系佢用石锅上，就算食到尾都仲好热！而且店员都好有礼貌；收银处旁边又有绿茶，俾客人排队时饮，非常