泰好食 (已搬遷) 新店位置

黎之前啱啱食左少少野，唔太肚饿但因为要参加聚会所以点都要食d野先，本来想去金凤，点知去到佢地话收7点，仲sell我地买埋d蛋糕，最后当然无买转阵黎到呢间泰．好．食！铺头门口有一名女侍应坐系度，门口用厚重的透明胶帘做遮挡，女侍应见我地行过黎有帮衬就帮我地揭开块胶帘，情形就好似去「架步」咁，好搅笑！店内只有一位客人，好清静，坐低唔知有咩好食又见无咩时间，有Set㖞，男朋友叫左个A餐，泰色腊肠虾炒饭跟青柠梳打，我见唔太饿就叫个沙律啦。小店黎讲佢都有好多选择，我最后要左个木瓜沙律跟热咖啡。热咖啡，超难饮，好酸，虽然我都无期望过会好饮但质素真系几差下，男朋友的青柠梳打都唔见得好，佢话系一杯有少少气的「糖水」， well……等紧食物的期间听到炒野声，应该系整紧个炒饭，好似好有镬气咁，几分钟后果然系个泰色腊肠虾炒饭，够热，感觉唔错，不过饭唔算炒得干身，睇落又唔系好见到d腊肠。我个木瓜沙律，唉，一上台我先记起泰式的木瓜沙律系用青木瓜而唔系平日橙红色的木瓜，即刻唔想食，虽然佢地d青木瓜丝唔太酸，但我本身唔钟意个味而且又唔够冻，怪怪地，最后都系男朋友清左佢，无下次lu。