有囍 (已結業)

晚餐嚟到太子花园街, 本来打算叫𩠌食饭, 坐底后被隔离台香喷喷嘅烧锅深深吸引, 最后自然系跟人点咗个烧锅套餐啦。有囍2人烧锅套餐$438, 包括一个烧锅 (可选 古法黑草羊腩煲 / 猪肚辣鸡煲)、蒜蓉开边蒸虾、田园生菜 / 清炒时菜、腊味生炒糯米饭同是日甜品。份量足够两个男生食, 但对我地两个女仔嚟讲, 就多咗少少。猪肚辣鸡煲 煲中物上台前已经煮至半熟, 滚一滚, 汤汁沸腾, 香气扑鼻, 令人胃口大开！鸡煲配料丰富, 鸡肉辛香入味, 肉质嫩滑, 猪肚份量比相像中更多, 烟韧有嚼劲, 越食越滋味。蒜蓉开边蒸虾、清炒时菜虾肉新鲜, 肉质富有弹性, 朋友更惊喜发现虾壳够薄, 连壳食方便又补钙。腊味生炒糯米饭糯米饭柔软而不软烂, 腊味均匀分布, 很有水准。番薯糖水甜味自然, 加入姜汁十分暖胃。