老街 (西洋菜南街)

营业中

休息中

收工同朋友嚟到太子, 见呢间台湾嘢多人得嚟又未至于要等好耐, 一于试下啦。酥鸡外酥内嫩, 炸粉够薄, 食多几件都唔怕腻。蕃茄汤底带点自然嘅酸甜味, 不会过于浓厚。呢度叫嘅任何面食都可以+$3转新竹米粉, 米粉非常幼细, 但略为偏腍, 如果硬身少少就更有口感啦。经典台式牛肉面食得太多, 今次决定挑战味蕾, 试下麻辣牛筋牛腩米。红当当嘅麻辣汤底, 食落又无想像中咁呛辣, 香辛之中带少许麻劲, 钟意食辣嘅朋友, 绝对不能错过！。牛筋充满骨胶原, 软滑到就好似食紧啫喱糖咁。大大旧牛腩集筋、肉、脂肪于一身, 肉质非常柔软, 口感不错。牛肚丝吃起来很有弹性, 麻辣带劲, 辣度比麻辣米嘅汤底强。经调味嘅小黄瓜味道偏甜, 食完煎炸嘢同辣嘢, 食佢清清喉咙就啱晒。简朴顺滑嘅豆腐, 配上酱汁、皮蛋、鱼松, 美味又健康。餐厅仲有供应老牌台式罐装饮品, 未饮过嘅朋友不妨一试。