食包 (已結業)

Happy Friday收工又嚟食burger，去呢间人气外卖Burger，你返屋企慢慢叹。太子站C2出口，过条马路就见到啦，黄色玻璃。开放式厨房，干净企理，见到厨师整汉堡嘅过程，所有食物都系即叫即整，见到已经好肚饿。W B经典汉堡$62手打牛肉汉堡里面有粒粒紫洋葱和黑椒调味，咬落索索声，增加咬口，牛肉都好Juice。半熟流心蛋超正，食到中间有蛋黄流出来，好正。配上生菜、蕃茄、芝士一齐食，好Flash。芝士菠萝鸡堡$68我好钟意食呢间嘅菠萝炸鸡汉堡，每次嚟都必定叫，因为炸鸡好厚大大块，好酥脆，里面鸡肉劲Juice，调味唔会过喊，配上爽脆生菜和菠萝酸酸甜甜，中和炸鸡油腻感，食完好想再食。炸薯格加$22升级套餐转薯格拎到返屋企仲系脆卜卜，暖暖地，点茄汁一齐食正。水牛城鸡翼水牛城鸡翼都几辣下，调味有啲咸。鸡肉大大只，里面鸡肉仲系Juice。