青花亭 (已結業)

同两个朋友喺太子附近，揾咗间近近地嘅食下野， book咗位，入到去嘅时候剩返留咗俾我哋𠮶张枱，其他都坐满人。见到其他人都好休闲咁慢慢坐慢慢食，我哋个位置系喺楼上，坐楼上唔系成日有侍应喺附近，呢个系唔系太方便嘅地方。但系其他嘢环境𠮶啲都唔错。打开餐牌，啲名都几特别，有咸湿亚伯，又有水清沙幼使乜坐飞机。不过我哋冇嗌到𠮶啲，睇落去蓝色𠮶啲汁，好似好色素咁。我哋稳稳阵阵叫咗啲普通嘢食。叫咗三杯梳打嘅饮品，个杯好靓，嘢饮嘅颜色又黄又粉红，影到出嚟都好靓。我哋三个人带咗四样嘢食，有薯条，有个意大利饭，一个意大利面。食完真系好饱好滞，我哋三个人完全食唔晒。不过都几好食，我钟意食个意大利饭，几正！食完野慢慢坐喺度倾吓计都系唔错，同埋啲嘢食都算几平，我哋份量嗌多咗，但系都系$500松啲买单，每人都系百几蚊。有一点要提嘅系呢度啲嘢食每碟都好似几靓，唔知点解放埋一齐影就唔系太靓不过值得一赞嘅系呢度啲灯光影到个人好靓，呢个都好重要。有好多食嘢嘅地方影到个人好黄，或者啲五官好奇怪，呢度冇呢个问题。