Muze Mozz (已結業)

放工咁晏，唔想返屋企，同朋友倾下计，大家推介去太子嘅酒吧。最后拣咗去咗一间叫做"Muze Mozz"嘅餐厅兼酒吧。因为我哋啱啱收工，又饿又想饮酒，所以拣咗呢度，真系完全啱晒！餐厅嘅装修好有度假嘅feel，墙身油漆图画令人好放松。我哋先order咗两杯饮品，Earl Grey Martini (有酒精) $108同Muze punch (无酒精) $68。Earl Grey Martini上面有白色嘅泡泡，好吸引，Earl grey茶香味同酒味唔会太浓，仲有柠檬味！Muze punch系粉红色，好靓，有沙冰同菠萝香蕉果汁味，甜甜酸酸又唔会太甜，好开胃。然后嚟咗我哋嘅菜式，澳洲壳饲猪鞍串烧$138，猪肉入口弹牙，唔韧有肉汁。西班牙海鲜饭$248，上面有虾、青口同蚬，加埋好多好多好靓嘅蕃红花，炒饭内有大量海鲜粒，加入红色海鲜浓汤炒，而饭炒到粒粒分明。