十大碗粥麵專家

营业中

休息中

呢间粥面店近年系旺角、太子一带堀起，之前有一次误打误撞入到黎食猪手面，觉得质素唔错，今次黎到再试佢嘅云吞面，依然保持到水准！对比要系麦字头，食一碗云吞面店要成$50几蚊，真心十大碗一碗云吞面只需要$35，而且有免费腌萝卜提供，真系超值！首先讲咗主角——云吞，皮薄馅当然靓，大大角海虾用料唔马虎，咬落去够晒爽口；店内用上大地鱼汤底，令到个汤好鲜甜，唔会太喊。略嫌个面身太硬，有啲干身，唔够淰滑，要浸一阵汤食先易入口。而个面上铺满虾籽都有惊喜。云吞面黎讲都合格有余嘅！