四月初八精品素食

营业中

休息中

真汉子新鲜热辣，试咗一间新开嘅素食餐厅，叫做「四月初八」，前身为「佛手柑素食」。😄晚巿有十多款小菜选择，我问老板娘边款好食啦，佢就话款款都好㗎，所以叫精品素食，okay 😆。凭直觉就叫咗「梅菜猴头菇蒸豆腐」$88，送白饭，加咗 $10 要素翅酸辣汤，另外叫咗小食「燕麦叉烧包」$26。🥯个酸辣汤基本上系碗仔翅嚟，不过加咗少少酸味，配料有木耳，豆腐丝，笋，唔系好食到有素翅，不过我钟意佢个汤唔会煮到好杰。听到有个客人话唔够酸，其实我觉得系好味嘅，只要唔当佢系酸辣汤咁饮就 ok。👌🏻唔知几时开始叉烧包兴加燕麦。个包比较细个，几松软，馅唔多，味道都算好。😊到主菜喇，见到平时做主角嘅猴头菇软弱咁滩咗响豆腐上面，不禁有啲唏嘘，心谂，唔炸又唔重口味嘅猴头菇，点会有运行呢？😭一边食，一边谂边个设计呢个咁骑呢嘅组合 😅，咦，块猴头菇咁好味嘅？有啲烟韧，又好鲜味。呢刻我谂通咗喇，佢系扮紧带子呀~~~~。🥹 无论口感同调味都超似食紧带子蒸豆腐，边个咁聪明谂到呢个做法㗎，太劲喇~~~。😭冷静返，讲返梅菜同豆腐先，呢个组合当然系冇得输㗎啦，好好味又好送饭。😋见仲有胃口，好想试云吞，老板娘话系港式云吞，我本来想食剩