朝

营业中

休息中

位於太子大南街嘅「朝」，由環境到食物質素，全部都好有驚喜。🔸沖繩苦瓜沙律平時喺居酒屋食苦瓜都係燒嘅，呢度竟然用沙律形式。出乎意料咁新爽，但又唔會太苦。鐘意食苦瓜嘅朋友真係唔好錯過。🔸串燒類🍢佢嘅串燒選擇多，月見雞肉棒、雞頸肉、豚肉靈荀卷、牛舌，每樣都調味獨特。尤其牛舌，用咗蒜蓉醬去點，香味更出，比起一般淨係用檸檬汁嘅，實在別有風味。🔸鵝肝豆腐呢個真係有驚喜！炸豆腐外脆內滑，加上滑溜嘅鵝肝，油香味十足，兩者結合得天衣無縫。🔸邪惡玉子燒🥚呢個玉子燒真係邪惡，裡面有芝士加黑糖調味，呢種甜味嘅玉子燒之前未試過，印象非常深刻。🔸雪女神清酒🍶第一啖有淡淡嘅甜味，配埋肉類後，旨味更出色。再嚟個一夜乾花魚，同清酒一齊食，真係一流。店員主動介紹餸菜，有禮貌，牆上仲有好多照片參考，令到整體感覺好好。