星廚 (已結業)

去开金鱼街买野，之后行下附近看看有咩好野食，行过门口见到佢个MENU都几特别，就行左入去食喇。叫左个鹅肝牛柳配意大利粉套餐，一个法式田螺，甜品系NEW YORK CHEESE CAKE。先黎一个法式田螺，闻落去相当之香，田螺相当爽肉，咬口一流，我几钟意佢个田螺底下既薯蓉，因为佢似乎吸收左一啲田螺既鲜味，再配搭埋其他调味料，好香口。再黎主菜鹅肝牛柳配意大利粉，真系一万个赞，抵食夹大件，质素仲相当唔错。鹅肝面头系舖左满满既黑松露，令到个鹅肝本身已经好香好香，佢煎到有少少㶶但又唔系好㶶，一啖食落口，鹅肝既鲜味系即刻会系口入面散发，入口即溶果只。如果再大旧啲就好喇。不能不提个牛柳，我叫左三成熟，同行友人话我系生蕃，我认，因为我钟意食好鲜口既野，但通常去其他餐厅叫三成熟总会黎七成甚至以上。呢度个牛柳，系真三成熟。牛柳肉质系相当鲜嫩，而且相当厚切，而且仲竟然系有两大件，满足哂我呢个大胃皇。NEW YORK CHEESE CAKE亦系好得，因为佢芝士味系真系相当浓郁，而且饼底松化，蓝莓好好味道。埋单发展价钱相当亲民，赞。