籠太子點心專門店

营业中

休息中

原本谂住去丰信饺子食lunch，点知太多人排队，就去咗附近一间都几多人推介嘅点心铺食点心。之前去过太子食过几间点心铺，个人觉得呢间算系太子比较好食嘅点心铺，同埋啲点心都比较有特色，最重点系茶钱都只系三蚊一位！1.海皇芝士千丝卷个千丝卷系即叫即炸，炸到卜卜脆，不过嫌佢啲炸丝太厚，食到一半已经觉得有啲油腻；个馅系虾肉同芝士，芝士味唔算好浓，所以唔系好食到芝士味。2.不是炸两咁多样点心入面，我最欣赏呢样点心；外皮系普通嘅肠粉皮，包住啲炸两，而炸两仲包住菜同虾胶，食一旧就可以食到多重口感，同埋炸两入面嘅馅中和咗油腻，令到无咁济。3.煎虾胶酿茄子茄子煎到外脆内软，而茄子上面嘅虾胶都几弹牙，个茨汁因为比较杰，所以食嘅时候旧茄子都挂到好多酱汁，都几惹味！4.鱼肚水饺呢样点心我比较失望，开头以为啲饺子会好入味，点知水饺都唔系好索到汤，可以汤嘅味比较淡，加上饺子嘅皮比较厚。5.鲜虾烧卖皇烧卖有分两粒同四粒咁卖，到埋单个阵先发觉叫四粒烧卖比叫两粒烧卖仲抵啲；烧卖味道不过不失，个size都几大粒，食落都几juicy，感觉无咩特别。