影片
更多
2023-05-03
759 浏览
📌 八不 - 太子大南街52号地舖🗓(3/5) 星期三 ⏰ 下午1点左右 💈特式：我个人好钟意食正宗嘅日式寿喜烧，唔系火锅汤底个款，但香港好少揾到正宗又好食嘅寿喜烧，除非好贵要成千蚊个d，朋友介绍太子有一间专做寿喜烧嘅专门店，价钱仲要唔太贵，今日就抱住试下嘅心态嚟同大家试下。🥩🍔🌭🌮🥗🥯🥘🍲🍝🍣🥟🍤🍱食物：佢地有5款寿喜烧提供，包括3款不同级数嘅牛肉同两款豚肉，价钱最平就$148去到最贵就系$368，价钱起码算系普通市民都比得起先，而家等我同大家讲下🐮嘅味道先。澳洲M8+和牛寿喜烧 $268 - 我今次就拣左个中间级数嘅嚟试试，个寿喜烧会跟埋一个蔬菜拼盘同一只日本鸡蛋，肉就大约有17~18片，但size就唔算好大块，首先店员会用牛油粒帮手开镬同放入洋葱/京葱调好个汁底，之后就自己根据自己嘅喜好慢慢一片一片咁去煮，牛肉薄身所以好快熟，大约每边2~3秒都已经ok，肉质软淋，都有牛味。食完牛店员会主动帮忙换锅，再调个新锅底都煮蔬菜拼盘。吉列千层豚 $78 - 我上网见到好多人都会叫呢个，所以就叫嚟试下，店员都有讲呢个都系餐厅招牌菜，事实都真系做得唔错，佢炸得个外皮好酥脆，入面有多层
🗓(3/5) 星期三 ⏰ 下午1点左右
💈特式：我个人好钟意食正宗嘅日式寿喜烧，唔系火锅汤底个款，但香港好少揾到正宗又好食嘅寿喜烧，除非好贵要成千蚊个d，朋友介绍太子有一间专做寿喜烧嘅专门店，价钱仲要唔太贵，今日就抱住试下嘅心态嚟同大家试下。
🥩🍔🌭🌮🥗🥯🥘🍲🍝🍣🥟🍤🍱
食物：佢地有5款寿喜烧提供，包括3款不同级数嘅牛肉同两款豚肉，价钱最平就$148去到最贵就系$368，价钱起码算系普通市民都比得起先，而家等我同大家讲下🐮嘅味道先。
澳洲M8+和牛寿喜烧 $268 - 我今次就拣左个中间级数嘅嚟试试，个寿喜烧会跟埋一个蔬菜拼盘同一只日本鸡蛋，肉就大约有17~18片，但size就唔算好大块，首先店员会用牛油粒帮手开镬同放入洋葱/京葱调好个汁底，之后就自己根据自己嘅喜好慢慢一片一片咁去煮，牛肉薄身所以好快熟，大约每边2~3秒都已经ok，肉质软淋，都有牛味。食完牛店员会主动帮忙换锅，再调个新锅底都煮蔬菜拼盘。
吉列千层豚 $78 - 我上网见到好多人都会叫呢个，所以就叫嚟试下，店员都有讲呢个都系餐厅招牌菜，事实都真系做得唔错，佢炸得个外皮好酥脆，入面有多层好软滑多汁嘅豚肉，中间仲有夹杂左芝士，食落层次丰富，极之推介。
吉列车海老 $78 - 呢个价钱包左两只大虎虾，仲有洋葱天妇罗/冬菇天妇罗各一件，只虾size都系几巨，足足有成支竹签咁长，外层炸浆同虾壳都炸到脆卜卜，成只虾可以连壳都消灭埋。
吉列广岛蚝 $78 - 炸蚝一碟有4只，同埋茄子天妇罗/南瓜天妇罗各一件，d炸蚝只只都肥大饱满，有蚝味，虽然唔算太重，但都算合格。
☕️🍵🥤🧋🍺🍷🥃🍹🧉🍾🍶🥛
饮品 : 饮品都有唔少日本清酒，唔饮酒嘅朋友都仲有好多选择，例如成日系Donki都会见到嘅日本茶/果汁/汽水等等。
🍽环境：餐厅环境好靓好日式，用上大量木系风格装修/枱凳，另外摆设上亦好有心思，有不少宫崎骏嘅公仔装饰，另外餐厅仲有几面特式墙，打卡一流。
🤵🏻🤵🏻♀️🤵🏻♂️服务：店员服务好好，好有礼貌同友善，落单系用QR Code落单，上菜速度正常，上菜后店员会帮我开镬处理个汁底，之后就好用心讲解之后嘅步骤。
💰💸价钱：叫左一个寿喜烧set同3个单点食物，埋单就$502蚊无加一，未算话好抵食，但如果香港食寿喜烧，仲要有服务嚟讲，佢个价钱都算合理。
🐲💬总结：佢除左主打寿喜烧之外，其他日式料理都看似几吸引，我应该都会再次回头帮衬。
推荐指数：❤️❤️❤️❤️🤍
澳洲M8+和牛寿喜烧
$268
28 浏览
0 赞好
0 留言
澳洲M8+和牛寿喜烧
$268
23 浏览
0 赞好
0 留言
吉列千层豚
$78
32 浏览
0 赞好
0 留言
吉列车海老
$78
36 浏览
0 赞好
0 留言
吉列广岛蚝
$78
52 浏览
0 赞好
0 留言
张贴
