賞島咖啡屋

营业中

休息中

太子最有人气cafe，唔book系食唔到，好彩一早book咗！最出名嘅海胆味噌蟹肉意粉首先，摆盘好靓，令人欲食大增！同埋真系有海胆喺面，唔系净系用嚟煮汁.另外，蟹肉同蟹籽嘅份量都好多，捞埋其实一啖都食到配料啷味道。酱汁偏甜，有海胆味，而且每啖都食到蟹肉，所以个鲜味好香口。每条意粉都做到挂汁嘅效果。咖啡烧汁烤猪仔髀本身猪仔髀己经烤得啱啱好，外面脆身之余，都仲锁到肉汁，每啖都好juicy.至于咖啡味就系来自佢嘅咖啡粉，猪仔髀点咖啡粉原来好夹，咖啡味唔会抢走猪味，仲带到少少猪臊味出嚟，系好香嘅猪肉味。薯蓉表面系少少烤过，少少身，口感同味道都好好.Mint MochaMocha味道重过Mint，但又唔会盖过mint味道.饮到尾，mint味会愈嚟愈重，愈嚟愈香。花茶好香好天然嘅花茶，当中菊花味好清香，配埋枸杞，系天然嘅花味，浸耐咗，啲花味愈趋浓烈.特别想赞下个餐汤我哋𠮶日食系番茄汤，佢真系用番茄blend出嚟，冇茄膏味，所以味道好天然，仲食到番茄嘅颗粒感。