永珍越南食館 (已結業)

同朋友喺太子打完泰拳，行入附近啲横街揾食，见到呢间餐厅个餐牌几吸引，入去试吓。虽然个名系越南菜，但系餐牌大部份都系泰国菜，两个人带咗几样菜式share试吓。海蜇芝麻鸡沙律：谂住系沙律，份量意外地多，好好味，鸡好入味，海蜇做到好爽脆。唯一系用得太多油，食到底有一小碟油，下次可以叫佢小油。咖喱（猪）：亦都系好大锅，另外叫咗碗白饭送。猪肉系薄切，份量唔少。不过啲咖喱唔够稠，挂唔到上猪肉。芒果糯米饭：芒果好甜。糯米饭热辣辣，可惜系啲饭煮得太耐，腍左，冇咗糯米饭独有嘅烟银口感。有啲可惜。