熱點點心專門店

营业中

休息中

呢日中午去太子买古早蛋糕，顺便喺𠮶边叹杯茶、食个点心🥢。唔驶行到去花园街𠮶边就已经有选择「热点」，门口不乏买外卖嘅人。午餐时段点几𠮶阵坐满人，学生妹自己一个都坐低慢慢食😍。我哋获安排坐喺卡位，算几阔落。一坐低店员就问我地饮咩茶，佢仲推介我哋试玄米茶，茶位每位$5。点心选择种类正常，我比较欣赏佢部份点心可以逐粒嗌(两粒起跳)，而唔系固定一笼👍。两个人饮茶嗌嘢食好虾人，有时想食多款又惊食唔哂，而家免却唔少烦恼。蟹籽烧卖皇($9/只)，烧卖馅同时有猪肉(无乜肥猪肉)同虾肉，比例刚好，上面仲有蟹籽添🦀。热点虾饺皇($9/只)，虾饺皮厚薄适中，唔会一夹就穿，🦐虾肉新鲜弹牙，好食就系咁简单。鲜虾菜苗饺($7/只)，呢个相当有惊喜，菜苗饺皮较虾饺皮烟韧有嚼劲，入面包棵超多菠菜，口感一流，又大只，正啊😋。紫米脆网卷($22)，呢款点心可能系餐厅独家，够哂特别又好食。外层系紫米皮，有啖啖紫米香，内里就包住脆网春卷，成个组合好过瘾😛。XO酱萝卜糕($28)，萝卜糕切粒上，用XO酱炒得好香口，🌶微微辣好惹味，外层就煎至脆脆的。家乡炒米粉($20)，唔好睇个样好似好单调咁，食落唔错㗎。炒米粉偏幼身，并唔易断开