影片
更多
2024-08-04
209 浏览
男朋友话好耐冇食泰菜，今日就特登揾咗呢间喺太子嘅泰菜食。原因系因为见到佢好似会食到传统嘅泰北面，喺香港比较少食到嘅，就想睇吓佢好唔好食。泰北烤鸡金酱面 ($98)呢个金酱面都几高质，好似去咗泰国食咁。佢嘅面有炸面同埋普通面，敲碎咗个炸面之后捞埋一齐食有双重口感。烤鸡有惊喜，嫩滑多汁。配料有芫荽、洋葱、酸菜、青柠等，风味十足，难怪成为舖头嘅招牌。秘制酸辣凤爪沙律 ($48)凤爪弹牙爽口，沙律以蕃茄、洋葱为主，个酸辣汁都几开胃，而且有非常之浓郁嘅芹菜香味。泰北烤牛肉 ($68)烤牛肉肉质都算嫩滑，肥瘦度适中，薄薄地一片又唔会太硬，牛肉味浓。个人觉得唔洗点个青酱已经好好食。薄脆虾饼5件 ($38)虾饼比想像中薄身，炸粉唔算好厚。口感方面，如果更厚身应该会再啖啖肉啲，不过当佢系light啲嘅小食食啦。泰式生虾八只 ($98)点埋苦瓜食几有趣，生虾都算新鲜嘅，不过不失啦。嘢饮方面，泰式奶茶 ($25)都几正宗。另外叫咗杯柠檬草南姜饮($16)，风味都几特别，有消炎化胃气作用。店内提供几款唔同嘅调味料，重口味可以自行加减。
泰北烤鸡金酱面 ($98)
呢个金酱面都几高质，好似去咗泰国食咁。佢嘅面有炸面同埋普通面，敲碎咗个炸面之后捞埋一齐食有双重口感。烤鸡有惊喜，嫩滑多汁。配料有芫荽、洋葱、酸菜、青柠等，风味十足，难怪成为舖头嘅招牌。
秘制酸辣凤爪沙律 ($48)
凤爪弹牙爽口，沙律以蕃茄、洋葱为主，个酸辣汁都几开胃，而且有非常之浓郁嘅芹菜香味。
泰北烤牛肉 ($68)
烤牛肉肉质都算嫩滑，肥瘦度适中，薄薄地一片又唔会太硬，牛肉味浓。个人觉得唔洗点个青酱已经好好食。
薄脆虾饼5件 ($38)
虾饼比想像中薄身，炸粉唔算好厚。口感方面，如果更厚身应该会再啖啖肉啲，不过当佢系light啲嘅小食食啦。
泰式生虾八只 ($98)
点埋苦瓜食几有趣，生虾都算新鲜嘅，不过不失啦。
嘢饮方面，泰式奶茶 ($25)都几正宗。另外叫咗杯柠檬草南姜饮($16)，风味都几特别，有消炎化胃气作用。
店内提供几款唔同嘅调味料，重口味可以自行加减。
张贴
