老街 (西洋菜南街)

营业中

休息中

系好耐之前曾经系女人街食过呢间台湾餐厅，最近行开太子见到餐厅系太子开左分店，所以入左去试下。我话的，食台湾野点可以唔叫牛肉面呢？餐厅的牛肉面有牛肉、牛腩牛筋、花枝丸牛肉、满汉大块(即咩都有)可以选择。如果唔想食面，仲可以加$3转新竹米粉。今次我们叫的系红烧牛腩牛筋面。汤面份量适中，share黎食再加小食就非常perfect。面都煮得刚刚好，唔太淋都唔太硬。牛腩味道几入味，仲唔会太肥。另外，我们个仲叫左份五味小茄子，个酸甜汁辣辣地好开胃。上面加埋大量的木鱼片，真系几香。另外，我们仲叫左份炸豆腐拼盐酥鸡。炸得金黄的豆腐及鸡球唔会太干。豆腐口感滑溜、鸡肉都算嫩。由于我们有两个人，估计胃容量可以放多一小碗饭。所以我们就叫左一碗小的台湾卤肉饭。如果你将呢碗卤肉饭当正餐的，建议叫返大碗的。卤肉比想像中少，不过闻落都几香。餐厅的卤肉唔系用肉块，而系用肉粒，加埋入晒味的洋葱，口感及味道加倍。食台湾野，一定会饮返杯台式饮品。选择唔算特别多，不过基本要饮的野都可以揾到。左边呢杯系桂花冰梅汁，右边个杯系洛神花茶。我们特意叫D酸酸地的饮品去消下滞。