影片
更多
2023-03-19
49 浏览
疫情减退，大家都出返黎食野，有冇谂过去一间餐厅又有得睇魔术，又有好味野食，仲有好多手工啤酒，唔同既GIN酒，特式茶饮等等？！今次同朋友拣左太子大南街呢间 @handsbarhk 聚旧。🧛🏻♂️呢间餐厅逢星期三六有驻场魔术师去每枱同大家玩魔术（可惜我咁啱唔系呢2日），但餐厅装修得好有神秘感🔮，有个magic stage俾你欣赏打卡～🌹每张枱仲都有啲小玩具俾你玩～🃏 🍗自家油封鸭腿配手打薯蓉🥔呢个鸭腿真系不得了，外皮烧到金黄色，脆脆地，一切落去就感觉到鸭腿好冧，就咁食落去好香～肉质好嫩滑，一啲都唔鞋～冇柴口感～点埋个自家制汁，酸酸地吊一吊味，令鸭肉更惹味！个薯蓉都好重薯仔味架，如果中意重味啲既可以加少少盐～🧂配菜粟米芯仲惊喜地甜，整个菜式个味道都恰到好处，仲有啲食用干花做装饰，睇得又食得👍～ 🍟薯条叔叔🧔🏻唔好以为系普通薯条啫，其实佢系用左美国薯条，粗身厚实既薯仔感，炸得好香脆，上面应该落左啲少少香辣调味粉，一上枱我同朋友都已经忍唔住讲左几句好香。佢既特色系配左腐乳酱、肠粉酱同烧鹅酱！系咪冇听过呢？烧鹅酱酸酸地，配薯条食有少少似点唔辣既鸡酱，都几配搭～腐乳酱上面洒左少少香草，同薯条意想唔
有冇谂过去一间餐厅又有得睇魔术，
又有好味野食，仲有好多手工啤酒，唔同既GIN酒，特式茶饮等等？！
今次同朋友拣左太子大南街呢间 @handsbarhk 聚旧。
🧛🏻♂️呢间餐厅逢星期三六有驻场魔术师去每枱同大家玩魔术（可惜我咁啱唔系呢2日），
但餐厅装修得好有神秘感🔮，
有个magic stage俾你欣赏打卡～🌹
每张枱仲都有啲小玩具俾你玩～🃏
2 浏览
0 赞好
0 留言
🍗自家油封鸭腿配手打薯蓉🥔
呢个鸭腿真系不得了，外皮烧到金黄色，脆脆地，
一切落去就感觉到鸭腿好冧，就咁食落去好香～
肉质好嫩滑，一啲都唔鞋～冇柴口感～
点埋个自家制汁，酸酸地吊一吊味，令鸭肉更惹味！
个薯蓉都好重薯仔味架，如果中意重味啲既可以加少少盐～🧂
配菜粟米芯仲惊喜地甜，整个菜式个味道都恰到好处，仲有啲食用干花做装饰，睇得又食得👍～
自家油封鸭腿配手打薯蓉
$168
14 浏览
0 赞好
0 留言
🍟薯条叔叔🧔🏻
唔好以为系普通薯条啫，其实佢系用左美国薯条，粗身厚实既薯仔感，炸得好香脆，上面应该落左啲少少香辣调味粉，一上枱我同朋友都已经忍唔住讲左几句好香。
佢既特色系配左腐乳酱、肠粉酱同烧鹅酱！
系咪冇听过呢？
烧鹅酱酸酸地，配薯条食有少少似点唔辣既鸡酱，都几配搭～
腐乳酱上面洒左少少香草，同薯条意想唔到地夹，好得意！！
肠粉酱就系麻酱+甜酱，薯条咸，个酱系甜既，食几条咸再食返条甜又几搞笑。
而小编一向中意麻酱今次都投腐乳酱一票！因为真系几有新鲜感，几特别！
😋呢个薯条好值得翻桌，边食边饮啤酒！🤩🤩
薯条叔叔
$88
12 浏览
0 赞好
0 留言
🍝黑松露凤尾虾忌廉扁意粉🦐
顾名思义，用左黑松露同忌廉煮既扁意粉，一啲都冇过冧，
好香好creamy, 啲虾肉好弹牙！
上面仲洒左好多芝士粉同香草，
中意creamy意粉既你一定中意！👍
黑松露凤尾虾忌廉扁意粉
$138
13 浏览
0 赞好
0 留言
🍻BEER PLATTER (200ml x 4)🥃
呢间酒吧都有唔少手工啤，而且大部分都系本地酿制🫶
餐牌写咗唔同啤酒嘅酒精浓度ABV，苦度IBU同特色Style，
如果做唔到决定又想试多几款既，不妨考虑好似我咁叫个Beer Platter 同朋友仔share，
又可以试多几个味！😉
HANDS既手工啤有齐 fruity, hoppy, sour 同 malty味，可以由清啲易入口既慢慢试到酸再到苦啲既～
小编今次就拣咗以下呢4款：
Beer Platter
$188
14 浏览
0 赞好
0 留言
🫒Fruity~Moon Dog Lager
呢只啤酒果香味重啲，有啲似平时饮既大牌中清少少既啤酒，女仔黎讲几易入口～👧🏻
🍍Hoppy~New Zealand Viking 2 Tripple Hopped IPA🍑
一闻落去好香热情果味，睇落去黄黄地实色咁，似果汁既样，饮落去带少少桃味味！🤏
🍷Sour~Ducheese de Bourgogne
用红酒桶𫗵制，闻落同饮落有啲似酸梅汤， 因为比利时用咗佢特别嘅酵母去𫗵制，所以饮落呢只啤酒比较有啲酸味，真系好特别！😮
☕️Malty~Get On Up! Nitro Mocha Brown Ale
氮气啤酒, 饮落好似冇咗啤酒味咁,但系有好香咖啡味, 令人觉得好似饮紧咖啡, 好易饮完又饮！🤭
整体黎讲呢间餐厅食物同饮品它做得好好而且有好多款俾客人选择！
有素食，亦有生酮食物，配合返唔同客人既需要～加分！🤗
呢间餐厅好适合轻轻松松同朋友黎食饭吹水放松一下！
7 浏览
0 赞好
0 留言
张贴
