得閒飲茶

营业中

休息中

喺太子嘅运动场道附近开咗好多唔同嘅港式点心店，呢一间得闲饮茶，原来喺元朗都有分店，相信品质应该唔错。今日午饭嘅时间同朋友嚟到呢一度试吓佢嘅港式点心。茶方面有普洱、铁观音以及香片选择，选择都唔少。春风得意肠呢个春风得意肠除咗入边包左香脆嘅油炸鬼之外，面头仲有蟹子，有少少日本嘅特色。口感好独特，松脆可口。千岛脆炸萝卜糕估唔到萝卜糕用炸浆包好，炸到松脆，口感好特别。淋上千岛酱之后，更加开胃。生煎菜肉饱肉质仍然保持juicy, 扁扁的！同传统嘅生煎包唔同，都几香口！食完两款咁香口嘅点心后，真系要食翻一啲传统嘅蒸点。猪肉烧卖及山竹牛肉永远都系香港人嘅至爱，山竹牛肉非常饱满，底下嘅腐竹都好入味。饮茶都系香港人钟意嘅活动，大家如果想饮茶，可以试吓呢一间得闲饮茶。