Cafe Paradise (砵蘭街) (已結業)

今日系我同男朋友嘅求婚纪念日，book咗一间太子嘅西餐厅庆祝。夜晚八点几入到去全屋满座，好热闹。疫情期间餐厅嘅设施都做得好好，间隔板好足够，每一个枱都感觉好安全。餐厅有提供一set set嘅晚餐，包沙律、餐汤、主菜、甜品同饮品，啱晒我哋呢啲唔钟意自己选择太多嘅人。我哋叫咗一人一个餐～沙律好新鲜冰冰冻冻，而且份量都好多，甘笋南瓜汤都要赞一赞，虽然系跟餐嘅餐汤，但系感觉好足料，南瓜味好浓，口感浓厚。我同男朋友都好钟意食黑松露嘅味道，见到有呢个黑松露宽条面即刻嗌嚟试吓啦。呢一款煮法比较干身，但系亦可以做到浓浓嘅黑松露味，而且材料都好够，野菌嘅份量都好多。脆皮猪手做到个皮真系可以好脆，点埋佢提供嘅酱汁好好食。而且切开嚟食每人都有五六件，好够食，好饱肚。伴碟方面，佢有薯蓉、烤菠萝，同埋烤翠玉瓜，亦都唔错，几有诚意。最后跟餐甜品今日系豆腐雪糕。喺大雨之中，在这里享用咗我哋今日嘅幸福晚餐。餐厅位置都好容易揾，系街头第二间就系啦。