Cafe Paradise (砵蘭街) (已結業)

📍餐厅环境企理干净，加上地点就脚，就喺地铁站附近，所以系一间适合坐得耐嘅西餐厅！一入到嚟店内都几多人，但店员一直服务好好，亲切又有礼貌。而店内环境以深色枱调为主。咁啱俾我见到隔离枱有人生日，店员会拎即影即有相机同佢地影相，然后贴落个board度，所以都系同亲友嘅庆生之选🎂。🔻1. 蟹籽蟹棒忌廉宽条面忌廉味重，蟹籽量多！钟意啖啖creamy嘅话唔好错过。而且佢面质好弹牙，软硬度适中。🔻2. 烟三文鱼蚬肉天使面清清哋之选，我建议上之后趁热食，因为冻咗少少啲天使面都会变干身，会kick kick地、易断。整体份量多，同亲友share完全冇问题。🔻3. 朱古力心太软心太软配合云尼拿雪糕，有冰火交融嘅感觉。佢又唔算太甜，实心同流心比例都平均。🔻虽然呢度要收加一，但呢个价钱呢个享受都算物超所值。